វៀតណាម - ខ្មែរ

សារអំពីសុខភាព និងសេចក្តីប្រាថ្នាចង់នូវការរស់រានឡើងវិញ

31/5/2021| 16:27

ជំរាបសួរ សួស្តីរ សុខសប្បាយជាទេ គឺជាការសួរសុខទុក្ខដែលភ្ញៀវទេសចរបរទេសនឹងចងចាំជានិច្ច ​ប្រសិនបើពួកគេធ្លាប់មកកម្ពុជា។

ទោះយ៉ាងណា ការសួរសុខទូកបែប​​នោះក៏ផ្លាស់ប្តូរតិចឬច្រើនតាម​សម័យ​និមួយៗដែរ​​។ ក្នុងរបបប្រល័យពូជសាសន៍ខ្មែរក្រហមកាល​ពី​​ជាង ៤០ ឆ្នាំកន្លងមក ការសួរសុខទុក្ខ​នា​គ្រា​នោះ​គឺ មាន​អីហូប​ទេ? ឬអ្នក​នៅ​រស់ទេ?”

សារអំពីសុខភាព និងសេចក្តីប្រាថ្នាចង់នូវការរស់រានឡើងវិញ

 ប្រជាជនពាក់ម៉ាស ដើម្បីការពារនិងទប់ស្កាត់​ការរីករាលដាលនៃកូវីដ ១៩ នៅរាជធានីភ្នំពេញ នាថ្ងៃទី ១៤ ខែមេសា ឆ្នាំ ២០២១ ។ (រូបថត៖ THX/ VNA)

ឥឡូវនេះ បន្ទាប់ពីការរីករាលដាលនៃកូវីដ ១៩ ប្រជាជននៅតាមទីក្រុងធំៗ ក្នុងប្រទេសកម្ពុជានៅពេលពួកគេជួបគ្នា គេ​មាន​ការ​សួរ​សុខទុក​ថ្មី​ថា​ "តើអ្នកបានចាក់វ៉ាក់សាំងឬទេ?"

ជាមួយនឹងប្រភពវ៉ាក់សាំងដែលអាចប្រមូល​បាន​ (AstraZeneca, Sinopharm និង Sinovac) ទាំង​យន្តការ COVAX របស់អង្គការសុខភាពពិភពលោក ទាំង​​ការបញ្ជាទិ ញ និង​ជំនួយ ព្រះរាជណាចក្រកម្ពុជា​​បាន​សម្រេច​ការ​ចាក់​វ៉ាក់​សាំង​ជូន​ប្រជាជនចំនួន ២ លាននាក់ ​នៅពាក់កណ្តាលខែឧសភា ឆ្នាំ២០២១ ហើយ។

នោះគឺជាលទ្ធផលមកពី​កិច្ច​ខិតខំប្រឹងប្រែងឥតឈប់ឈរនៃយុទ្ធនាការចាក់វ៉ាក់សាំង ដែលក្រសួងសុខាភិបាល និងក្រសួងការពារជាតិកម្ពុជាបានចាប់ផ្តើមអនុវត្ត​នៅថ្ងៃទី ១០ ខែកុម្ភះ ឆ្នាំ ២០២១ ពី​មុនពេល “ព្រឹត្តិការណ៍សហគមន៍ ២០ កុម្ភ:”។

ត្រឹមតែក្រោយ​រយៈពែល​ ៣ ខែកន្លះ(នាថ្ងៃទី២៤ ឧសភា) ប្រទេសកម្ពុជាទទួលបានអត្រាចាក់វ៉ាក់សាំងគួរឱ្យភ្ញាក់ផ្អើលគឺ ២៣% ឬស្មើនឹង ២,២៨០,៨៧៥ នាក់ក្នុងគោលដៅចាក់វ៉ាក់​សាំង​ជូន​ប្រជាជន ១០ លាននាក់។ ក្នុងចំណោមនោះ យោងតាមគណៈកម្មការចំពោះកិច្ចចាក់វ៉ាក់សាំង​កូវីដ ១៩ ​ឲ្យ​ដឹង​ថា ប្រជាជនចំនួន​ ១.៦៤៦.៩៩៤ នាក់បានចាក់​ដូសទី ២ ហើយ​។ ប្រទេសកម្ពុជានៅតែឈរក្នុងលំដាប់ទី ២ ក្នុងអាស៊ាន (នៅពីក្រោយប្រទេសសិ​ង្ហបូរី) អំពី​ចំនួនប្រជាជនដែលបានចាក់វ៉ាក់សាំង។

សារអំពីសុខភាព និងសេចក្តីប្រាថ្នាចង់នូវការរស់រានឡើងវិញ

 ទាហាននៃកងទ័ពកម្ពុជាណែនាំប្រជាជនឱ្យរក្សាគម្លាត​ នៅឯកន្លែងចាក់វ៉ាក់សាំងមួយក្នុងរាជធានីភ្នំពេញ។ (រូបថត៖ AFP/ VNA)

ថ្ងៃទី ២៣ ខែឧសភាឆ្នាំ ២០២១ អាចជាអនុស្សាវរីយ៍ដែលមិនអាចបំភ្លេចបាននៅក្នុងជីវិតរបស់មន្រ្តីការទូតនិងអង្គការអន្តរជាតិជាច្រើន នៅក្នុងប្រទេសកម្ពុជានៅពេលដែល​ពួក​គេ​បាន​ចាក់​វ៉ាក់​សាំង​ AstraZeneca ដូសទី២។

យុទ្ធនាការចាក់វ៉ាក់សាំងយ៉ាងឆាប់រហ័សបានរួមចំណែកកាត់បន្ថយចំនួនអ្នកជម្ងឺកូវីដ នៅកម្ពុជាដែលមានរោគសញ្ញាធ្ងន់ធ្ងរ។ នោះគឺជាការវាយតម្លៃរបស់រដ្ឋមន្រ្តីក្រសួងសុខាភិបាលកម្ពុជា លោក ម៉ម ប៊ុនហេង នៅថ្ងៃទី ២៤ ខែឧសភា បន្ទាប់ពីបានចុះទៅពិនិត្យបន្ទប់សង្គ្រោះបន្ទាន់របស់អ្នកជំងឺកូវីដ​ ១៩ នៅមន្ទីរពេទ្យព្រះអង្គឌួង (ភ្នំពេញ) ។

យោងតាមព័ត៌មានពីក្រសួងទេសចរណ៍នៃប្រទេសកម្ពុជាបានបញ្ជាក់ថា ប្រទេសនេះបានត្រៀមខ្លួនរួចជាស្រេចក្នុងការស្វាគមន៍ភ្ញៀវទេសចរបរទេសដែលបានចាក់វ៉ាក់សាំងចូលមកក្នុងប្រទេសកម្ពុជានៅត្រីមាសទី ៤ ឆ្នាំ ២០២១ ដើម្បីចាប់ផ្តើមយុទ្ធនាការ​ស្តារសេដ្ឋកិច្ចឡើងវិញ នៅពេលដែលបាន​ឆ្លងកាត់​បញ្ហាប្រឈមធ្ងន់​ធ្ងរ​បំផុតនៃជំងឺ​រាតត្បាតសកលនាពេល​កន្លង​មក​។

នៅប្រទេសកម្ពុជា ឥឡូវនេះ ការស្វាគមន៍​មិន​​គ្រាន់តែជាការគួរសមទេ ដែល​វាគឺជាយក​ចិត្ត​ទូកដាក់ ភាព​ហ្មត់ចត់ ​ក្រោយ​គ្រា​លំបាក ហើយ​ជាសារអំពី​សុខភាព និងសេចក្តីប្រាថ្នាចង់​ស្តារសេដ្ឋកិច្ចមួយដ៏​​រស់រវើកដែលធ្លាប់ជាប់ចំណាត់ថ្នាក់កំពូលក្នុង​អាស៊ីអំពី​​នឹងអត្រាកំណើនក្នុង​រយៈពេល ១០ ឆ្នាំមក៕

 (Vietnamplus)

Top